Бэҕэһээ Москваҕа “АЛРОСА” хампаанньа Кэтээн көрөр сэбиэтин быһаарыытынан, Сергей Иванов бэрэсидьиэнинэн талылынна.
Аграфена Кузьмина, «Саха сирэ» хаһыат, edersaas.ru
Санатан эттэххэ, бу ый саҥата вице-премьер Юрий Трутнев “АЛРОСА” бэрэсидьиэнэ Андрей Жарков үлэтиттэн уурайарын туһунан сайабылыанньа суруйбутун номнуо иһитиннэрэн турар. Бу боппуруоһу хампаанньа Кэтээн көрөр сэбиэтигэр көрүөхтээхтэр этэ. Сэбиэт мунньаҕа бэҕэһээ Москваҕа буолла.
Андрей Жарков “АЛРОСА” хампаанньа бэрэсидьиэнинэн 2015 с. муус устарга анаммыта. Үлэтин хантараага эһиил 2018 с. бүтүөхтээх этэ. Бу иннинэ кини РФ Гохранын салайааччытын солбуйааччынан үлэлии сылдьыбыта.
Ыспыраапка: Сергей Сергеевич Иванов 1980 с. алтынньы 23 күнүгэр Москваҕа төрөөбүтэ. 2001 с. Москватааҕы Норуоттар икки ардыларынааҕы сыһыан судаарыстыбаннай институтун үөрэнэн бүтэрбитэ. 2002 с. үп уонна кирэдьиит эйгэтигэр үлэлиир идэни эмиэ бу институкка баһылаабыта.
2002 – 2005 сс. судаарыстыбаннай инвестиционнай хампаанньаҕа, “ГАЗПРОМ” ААУо үлэлээбитэ;
2005-2011 сс. “Газпромбаан” ААУо вице-президенинэн, бастакы вице-президенинэн, бырабылыанньа бэрэссэдээтэлин солбуйааччынан сылдьыбыта;
2011-2016 сс. “СОГАЗ” АУо бырабылыанньатын бэрэссэдээтэлинэн ананан үлэлээбитэ;
2016 с. муус устартан “Сбербаан” старшай вице-президенинэн үлэлээбитэ.
Суруналыыс Федор Григорьев ырытыытын манна ааҕыҥ.
Аграфена Кузьмина, «Саха сирэ» хаһыат, edersaas.ru