Бэрээдэк Маны аах

Сэрэниҥ: түөкүттэр сымыйа биржа платформаларыгар оонньото сатыыллар

Түөкүттэр хайдах албынныылларый? Бу туһунан манна ааҕыҥ.

Кэнники кэмҥэ валюта ырыынагын түөкүттэрэ өрөспүүбүлүкэ олохтоохторун олох да суох биржа платформаларыгар оонньото сатыыллар диэн СӨ ИДьМ саайтыгар этиллэр.

Албын брокердар трейдинговай уонна пуондабай биржалар сымыйа  саайтарын оҥороллор, килийиэннэригэр толкуйдаан оҥорбут тус кэбиниэттэригэр киирэн регистрацияланалларыгар ыҥыраллар. Түргэнник харчыланар-үптэнэр сыалтан дьон тус чахчыларын бэлиэтэнэллэр.  Ити кэнниттэн “үп сүбэһиттэрэ” инвестициялааһын усулуобуйатын кэпсииллэр, бастакы усунуоһу угалларыгар итэҕэтэллэр. Итинник мэҥиэлээн киллэрэн баран, түөкүттэр дьонтон харчыларын араас албаһынан, пуонда ырыынагар халбаҥнааһын, “счету тоҥоруу”, үбү таһаарыыттан нолуок эҥин диэн араас албаһынан ылаллар.

Быраабы утары дьайыыларынан, түөкүттэр салгыы оонньуурга күһэйэллэр, дохуоккутун элбэтэр туһугар кирэдьииттэ ылыҥ дииллэр. Онон эмсэҕэлээччилэр тус үптэрин албын счеттарга ыыталлар уонна бааннарга иэскэ киирэллэр.

Дьокуускай олохтооҕо инвестициялаан харчыланар туһуттан аферистарга 2 мөлүйүөн кэриҥэ солкуобайы, ол иһигэр иэс ылан ыытан, маннык балаһыанньаҕа түбэспитэ.

Ситим нөҥүө пуонда биржатыгар оонньуулар үп балаһыанньатын тупсарарга бэрдэ суохтарын туһунан полиция сэрэтэр. “Билбэт дьоҥҥутугар уонна реклама биллэриилэригэр итэҕэйимэҥ! Болҕомтолоох буолуҥ уонна бэйэҕит үпкүтүн харыстааҥ!” – диэн ИДьМ Саха Өрөспүүбүлүкэтигэр пресс-сулууспата сүбэлиир.

Сахагов

Бэлэмнээтэ Женни Стрюкова

Хаартыска: тустаах саайтан.

0
0