Дьону угаайыларыгар киллэрэр инниттэн түөкүттэр тугу албыннаабатахтара баарай? Нэһилиэнньэ үлэлиир араҥатын «болҕомтолоругар ылаллара» эмиэ баар.
Дьокуускай куорат дьаһалтатын исписэлииһэ Москубаттан төрөөбүт куоратыгар көтөргө билиэти интэриниэтинэн атыылаһаары, 130-ча тыһыынчаҕа чугаһыыр солк. харчытыттан мэлийбит. Сымыйа интэриниэт-былаһааккаҕа ыйытыллыбыт бары коду киллэрэн баран, үс түһүмэххэ 130 тыһ.солк. сүтэрбит. Эмсэҕэлээччи дойдутугар кэлэн баран, полицияҕа тыллаабыт.
Өрүс уҥуордааҕы оройуоҥҥа военкомат исписэлииһэ эмиэ улахан харчытыттан маппыт. Биржаҕа үчүгэй дохуоттанаары 1 мөл. 210 тыһ. солк. мэлийбит. Эмсэҕэлээччи ситимҥэ «Тинькофф» баан рекламатын көрбүт, инвестиция туһунан. Ссылканан киирбит. Ити күн киниэхэ «Карина» төлөпүөннээбит. Салгыы түөкүттэр биллэр схеманан албыннаан барбыттар. Дивиденнэрин көһүтэн көрбүт эмсэҕэлээччи полицияҕа тыллаабыт.
«Өрөспүүбүлүкэ ытыктабыллаах олохтоохторо! Авиабилиэттэргитин атыылаһаргытыгар улахан болҕомтолоох уонна сэрэхтээх буолуҥ. Сайыҥҥы сынньалаҥҥытын буортулаамаҥ»,
— диэн ИДьМ Саха сиринээҕи салаатын пресс-сулууспата сэрэтэр.
+1
+1
+1
+1
+1
+1
+1