Маны аах Сүрүн

Серебрянай Бор бөһүөлэгэр үс дьиэ ситэриллэр кыахтанна

Нерюнгрига Серебрянай Бор бөһүөлэгэр үс дьиэ ситэриллэр кыахтанна. 

Ил Дархан Айсен Николаев Нерюнгрига үлэтинэн баран сылдьан, элбэх кыбартыыралаах дьиэлэри ситэрэргэ соруйда. Тутуу үлэтин «Созвездие» хампаанньа 2016 сыллаахха саҕалаабыт. Бэдэрээттээх тэрилтэ тутууну бүтэрбэтэх, оттон хаарбах дьиэ олохтоохторугар, оччолорго Айсен Николаев Ил Дархан эбээһинэһин быстах кэмҥэ толорооччунан олорон сорудах биэрэн, 2018 сыллаахха иккис ырыынакка дьиэлэр бэриллибиттэр. Онно 153 ыал кыбартыыра ылбыт.
Билигин тэрилтэ дьиэлэри салгыы тутар, ол кэнниттэн муниципалитет балаансатыгар биэрэр.
Айсен Николаев бу дьиэлэртэн биирдэстэригэр сырытта. Дьиэлэр 90% бэлэмнэр. Ил Дархан сайын бүтүөр диэри тутуулары түмүктүүллэригэр соруйда.
«2019-2025 сылларга саахалланар туруктаах дьиэлэртэн гражданнары  көһөрүү» өрөспүүбүлүкэтээҕи аадырыстаах бырагыраамаҕа, Нерюнгри оройуонугар барыта 83 тыһ. кв.м. иэннээх 186 элбэх кыбартыыралаах дьиэ киллэриллибит. Бу дьиэлэр 2017 сыл тохсунньу 1 күнүгэр диэри хаарбаҕынан билиниллибиттэр.
Андрей Сорокин (СИА) хаартыскаларга түһэриитэ
0
0