Маны аах Тырааныспар

Семен Винокуров: «Хотугу улуустарга билиэт сыаната 60 % чэпчиэҕэ»

“Полярные авиалинии” хампаанньа генеральнай дириэктэрэ Семен Винокуров иһитиннэрбитинэн, Арктика уонна хоту улуустарыгар чэпчэтиилээх билиэт сотору кэминэн атыыга тахсыаҕа.

Төһө да билигин уустук кэм буоллар, “Полярные авиалинии” авиахампаанньа рейстарын барытын оҥоро олорор, биир да рейс тохтуу илик. Ил Дархан Айсен Николаев сорудаҕынан бу сылга чэпчэтиилээх билиэттэри элбэтии барыаҕа. Ол курдук, Арктика, хотугу улуустарга биир рейска тоҕустуу миэстэ тахсыаҕа. Бу сыалга бүддьүөттэн 360 мөлүйүөн солкуобай эбии көрүлүннэ. Онон сайыҥҥы рейстарга 60 % чэпчэтиллибит билиэттэр атыыга тахсыахтара. Ити хотугу улуустар олохтоохторугар да, биһиэхэ авиахампаанньаҕа да улахан көмө, – диэн этэр Семен Викторович.

Санатан эттэххэ, Ил Дархан Айсен Николаев бэҕэһээ өрөспүүбүлүкэ социальнай-экономическай сайдыытыгар иһитиннэрии оҥорбута. Онно кини Саха сирин хас биирдии хампаанньата туруктаах буолуутугар болҕомтотун уурбута.

Аграфена КУЗЬМИНА

 

5
1
Telegram @edersaas20