Маны аах Уопсастыба

Семен Аманатов доҕорун быыһаары үс киинэтин «Ленаҕа» көрдөрөр



Бу күннэргэ “Лена” киинэ тыйаатырыгар Саха сирин аар-саарга аатырдыбыт үс киинэни көрдөрүөхтэрэ.

“24 хаар”, “Тойон кыыл” уонна “Мин үрдүбэр күн хаһан да киирбэт” диэн  элбэх бэстибээллэргэ кыайыылаах киинэлэр күн аайы “Ленаҕа” көстүөхтэрэ. Бу киинэлэри бииргэ түмэр киһинэн — бу  хартыыналары барыларын  туруорааччы оператор Семен Аманатов буолар. Бу көрдөрүүлэр аһымал аахсыйа чэрчитинэн ыытыллаллар. Киирбит үп Аманатов доҕоругар, биир дойдулааҕар, суруналыыс, фотограф, хайыһарга уонна сноубордка тренер Егор Бессонов эмтэниитигэр барыаҕа. Киниэхэ быар олордуу эпэрээссийэтэ оҥоһуллуохтаах.

24 хаар” ыам ыйын 6 күнүгэр 17.40 чааска көстүөҕэ. Бу хоту улуус сылгыһыта Сергей биир сыллааҕы олоҕун батыһа сылдьан хоһуйар дириҥ ис хоһоонноох, олоххо сыһыан туһунан сэһэннээх, хоту дойду кэрэтин хоһуйар, Дьөһөгөй оҕолорун кытта үлэни көрдөрөр уһулуччу үтүө устуулаах документальнай киинэ.

Тойон кыыл” ыам ыйын 7 күнүгэр 17.40 чааска көстүөҕэ. Эдуард Новиков уус-уран киинэтэ Саха сирин 30-с сылларын хоһуйар. Иккиэ буолан олорор оҕонньордоох эмээхсиҥҥэ кыһын саҕаланыыта хотой кыыл дьиэлэригэр киирэн олохсуйар. Ыҥырыллыбатах дьукаахтарыттан оҕонньордоох улаханнык куттаналлар, “туох буулаата” диэн аньыыргаан, олохторо муор-туор барар. Ол эрэн кыра-кыралаан бэйэ-бэйэлэригэр үөрэнэн, кырдьаҕастар көтөрү кытта бииргэ олорорго үөрэнэн бараллар…

Мин үрдүбэр күн хаһан да киирбэт” киинэ ыам ыйын 8 күнүгэр 17.40 чааска көстүөҕэ. Ийэтэ өлөн куоракка бииргэ олорботох аҕатын дьиэ кэргэнигэр олоро кэлбит оҕо төрөппүтүн кытта уопсай тыл булбакка, “куттаан” хоту муора кытыытыгар сытар арыыга кыыл пиэрмэтигэр үлэҕэ наймылаһан барар. Онно Байбал диэн ааттаах оҕонньору кытта билсэн олоххо, чугас дьоҥҥо сыһыаҥҥа саҥаттаан үөрэнэр. Ол эрэн олоҕу олорбут Байбал эмиэ эдэр уолтан син элбэххэ үөрэниэн сөп эбит.

Семен Аманатов бу сеанстары туруорарга көмөлөспүт дьоҥҥо махталын биллэрэр:

Бииргэ үлэлиир кэлэктииппэр “Сахафильм” хампаанньаҕа, “24 хаар” киинэ продюсерыгар Егор Петрович Макаровка, “Лена” киинэ тыйаатыр үлэһиттэригэр бу киинэлэри улахан экраҥҥа көрдөрөр кыах биэрбиттэрин иһин улахан махталбын тиэрдэбин. Бар дьоммун киинэҕэ кэлиҥ диэн ыҥырабын, мин кылааһынньыкпар, доҕорбор Гоша Бессоновка эппэрээссийэ оҥороллоругар көмө буолуҥ. Егору Бессонов билигин 36 саастаах. Диагноһа: «хронический гепатит В mixt D с исходом в цирроз печени» диэн. Егор икки оҕо аҕата, уола 11 саастаах, кыыһа түөрдүн туолбут. Улахан дьоҕурдаах, айылҕаттан айдарыылаах, элбэҕи үлэлиир, сатыыр киһи. Ыарахан ыарыы оҕолорун атахтарыгар туруорарыгар мэһэйдиэн сөп. Кини өрөспүүбүлүкэ таһыгар быар трансплантациятын оҥоруу эпэрээссийэҕэ наадыйар, онно 3 мөлүйүөн солкуобай кэриҥэ ирдэнэр. Эдэр ыал ити үбү мунньар кыаҕа билигин суох.

Баан реквизиттэрэ: 

Получатель: Бессонова Екатерина Егоровна — мать

Номер телефона: 8964-077-50-14  (мобильный банк)

Номер счета: 40817810576305100955

Банк получателя: Якутское отделение №8603 ПАО Сбербанк

БИК: 049805609

Корр. счет: 30101810400000000609

ИНН: 7707083893

КПП:143502001

Получатель: Стручкова Галина Егоровна — сестра

Номер телефона: 8996-315-96-28 (мобильный банк)

Номер счета: 40817810801010010286

Банк получателя: АКБ «Алмазэргиэнбанк» АО

БИК: 049805770

Корр. счет: 30101810300000000770

ИНН Банка: 1435138944

0
0