Айылҕа харыстабыла Маны аах

Сэлии муоһун көрдөөччүлэр көстүбэттэр

Аллайыахаҕа кимнээх, туох бэрэбиэркэтин ыыппыттарый?

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Аллайыахатааҕы экологияны судаарыстыбаннай кэтээн көрүүгэ иниспиэксийэтэ полиция улуустааҕы отделын, “Кыталык” национальнай паарканы кытта холбоһуктаах хонтуруоллуур тэрээһини ыыппыта. Эриэйдэ кэмигэр кинилэр Эргэ Үрэх, Аллайыаха, Индигиир өрүстэринэн мотуордаах оҥочонон сылдьан, учаастактарга тохтоон, бэрэбиэркэни ыыттылар. Бу сырыы кэмигэр 3 отонньукка, 4 балыксыкка ойуурга баһаартан куттал суох буолуутун быраабылатын уонна уопсай бултанар сиргэ быраабыланы тутуһууга уонна булт болдьохторугар “өйдөбүнньүк” бэрилиннэ, бэсиэдэ ыытылынна. Аллайыаха өрүскэ уонна Эргэ Үрэххэ баар дьаарга сэлии муоһун хостооччулар көстүбэттэр, ким да сууйбат эбит.

Бэлэмнээтэ Женни Стрюкова

Хаартыска: Аллайыахатааҕы экологияны кэтээн көрүүгэ иниспиэксийэтэ ыытта

 

3
0
Telegram @edersaas20