Кэбээйигэ Сэбээн Күөлгэ 27 тиэргэн ууга барбыт.
Кини итиннэ зондировщик-көтөр аал көмөтүнэн күүстээх ардах түспүт диэн иһитиннэриини олоҕо суох диэн эттэ.
—Кэнники күннэргэ өрөспүүбүлүкэҕэ күүстээх ардахтар түһэ тураллар. Ону эрдэттэн сабаҕалаабыттара. Эргиччи кэриэтэ күүстээхтик тыалырбыта. Өрөспүүбүлүкэ олохтоохторо маны самолет-зондировщигы кытта сибээстииллэр. Ол гынан баран, зондировщиктар бүгүн сүрүннээн соҕуруу, арҕаа оройуоннарынан, элбэх ойуур баһаардара буола турар сирдэринэн үлэлииллэр. Бу Алдан, Нерюнгри, Уус Маайа оройуоннара, — диир кини.
Манна эбэн кини Як-42 самолет-лаборатория өрүс уҥуоргу улуустарыгар — Тааттаҕа, Чурапчыга, Аммаҕа, Уус Алдаҥҥа үлэлээбитин этэр. Маны сэргэ, бу салгын аала Уус Маайаҕа былыты аҕаларга үлэлээбит. Оройуоннар иһитиннэрбиттэринэн, кинилэргэ кыра ардахтар түспүттэр.
От ый 7-8 күннэригэр күүстээх ардахтар Дьааҥыга уонна Горнайга түспүттэр. Чугастааҕы кэмҥэ уу таһыма Дьааҥы өрүскэ үрдүөн сөп.
—Ааспыт сылларга курдук, уу таһыма Дьааҥы өрүскэ үрдүөҕэ. Өйдүүргүт буолуо, от ыйын саҥатыгар Баатаҕай бөһүөлэгэ уонна Верхоянскай куорат ууга баран тураллар. Биһиги уу таһымын анаалыстыахпыт уонна улуустары кытары нэһилиэнньэни, эбийиэктэри харыстыырга сөптөөх миэрэлэри ылар туһугар хардарыта сибээстээх үлэлиэхпит, — диэн түмүктээтэ.