Бэс ыйын 26 — 27 күннэригэр Чурапчы улууһун Маҕаайы сиригэр — уотугар сылын ахсын буолар өрөспүүбүлүкэтээҕи «Сельская школа & Образовательная марка» диэн педагогическай дьаарбаҥка XIX төгүлүн ыытылынна.
Тэрээһин Арассыыйаҕа Учуутал уонна Уһуйааччы, өрөспүүбүлүкэҕэ Үлэ сылларын чэрчилэринэн буолан ааста. Бэлиэтээн эттэххэ, дьаарбаҥканы Чурапчы улууһа үсүһүн тэрийдэ.
Тыһыынчанан кыттааччылар, 25 улуус уонна Дьокуускай куорат ыалдьыттара «Образование в селе – 2030: доступность, качество, эффективность, благополучие стабильность» диэн үөрэхтээһин маршрутунан араас куурустарга, сэминээрдэргэ, трениннэргэ үөрэнэн аастылар.
Дьаарбаҥка тэрийээччилэрэ: С.Н.Донской-II аатынан үөрэхтээһин сайдыытын уонна таһымы үрдэтэр институт, Чурапчы улууһун үөрэҕириитин салалтата, «Эврика — Кэриэн — УҺуйуу» тыа сиринээҕи инновационнай үөрэхтээһин тэрилтэлэрин Ассоциацията.
Үөрэҕирии эйгэтин, ыччат, төрөппүт, оҕо уонна да атын түмсүүлэр, уопсастыбаннай тэрилтэлэр, идэлээх холбоһуктар кытыннылыр.
Ситиһиилээхтик үлэлиир Саха Өрөспүүбүлүкэтин Идэҕэ урутаан үөрэтэр киин оскуола үөрэнээччилэригэр уонна төрөппүттэргэ идэни талыы туһунан консультация ыыттылар. «Билет в будущее» бэдэрээлинэй бырайыагы сырдаттылар.
Ону таһынан, идэ таһымын үрдэтэр куурустары уонна бэдэрээлинэй бырайыагынан идэҕэ саҥалыы бэлэмнээһин хаамыытын билиһиннэрдилэр.
СӨ Идэҕэ урутаан үөрэтэр киин пресс — сулууспата