Счетчик көрдөрүүлэрин дьиэҕэ олорон эрэ хайдах тиэрдэбитий?

Бөлөххө киир:

Счетчик көрдөрүүлэрин маннык ньымаларынан тиэрдиэххэ сөп:

· «Якутскэнерго» сайтыгар баар тус кабинет нөҥүө: www.yakutskenergo.ru

· «Якутскэнерго» сайтыгар тус кабинекка киирбэккэ эрэ: www.yakutskenergo.ru (сайт сүрүн сирэйигэр «Счетчик көрдөрүүлэрин тиэрдии» диэн ссылка баар)

· Сбербанк Онлайн сыһыарыы нөҥүө;

· Электроннай почтанан: pu@yakutskenergo.ru (аадырыһы уонна сирэй суот нүөмэрин ыйыахтааххыт);

· Энергосбыт контакт-киинин төлөпүөнүн нүөмэрэ: 8-800-100-22-05 (үлэ кэмигэр сарсыарда 08.00 ч. киэһэ 18.00 ч. диэри эрийиэххэ сөп).

Манна даҕатан эттэххэ, билиҥҥи кэмҥэ контакт-кииҥҥэ  үлэһит ахсаана элбээбитэ.

Счетчикка техосмотр оҥотторор, иэс суоҕун туоһулуур ыспыраапканы ылар, иэһи хат аахтарар туһунан хайтан ыйыталаһабыт?

Бу боппуруостары эмиэ ыраахтан олорон быһаарыахха сөп:

— «Якутскэнерго» сайтыгар тус кабинет нөҥүө;

— «Якутскэнерго» сайтын сүрүн сирэйигэр «Энергетиктэртэн ыйыт» диэн ссылка баар;

-Электроннай почта нөҥүө: inform@yakutskenergo.ru

Сайаапка, сурук ыытаргытыгар булгуччу дьиэ хаһаайынын аатын-суолун, аадырыһы, билсэр төлөпүөнү ыйаргытыгар көрдөһөбүт. Туһааннаах докумуоннар копияларын ыытаҕыт (холобур, дьиэ хаһаайынын пааспарын, дьиэни бас билии докумуоннарын копияларын уо.д.а).

Ону таһынан Энергосбыт контакт-киинигэр эрийэн билсиэххэ сөп: 8-800-100-22-05.

Бэйэҕит уонна чугас дьоҥҥут доруобуйаларын харыстааҥ, ыарыыттан сэрэнэр ньымалары барытын туһаныҥ диэн сүбэлиибин!

«Якутскэнерго» өҥөлөрүн төлөбүрүгэр, уот туһаныытыгар сыһыаннаах ыйытыылаах буоллаххытына, энергетиктэр оҥорбут дистанционнай сервистэрин туһаныҥ.

Аҕа саастаах аймахтаргыт, доҕотторгут счетчик көрдөрүүлэрин, уот уонна ититии төлөбүрдэрин онлайн ньымаларынан ыыталларыгар, энергетиктэртэн ыйыталларыгар көмөлөһүҥ диэн ыҥырабыт. Оччоҕо кырдьаҕас дьон хомунаалынай өҥөлөрү дьиэлэриттэн тахсыбакка эрэ төлүөхтэрэ этэ.

«Якутскэнерго» ПАУо Энергосбытын пресс-сулууспата

Хаартыска интэриниэттэн.

+1
0
+1
0
+1
0
+1
0
+1
0
+1
0
+1
0