Уу счетчигын туруортарыы сыаната төһөнүй?
- Маҕаһыынтан итии, тымныы ууну хонтуруоллуур прибору атыылаһыҥ. Итии, тымныы уу счетчига 890 солк. саҕаланар. Счетчиктар сыаналара араас. Саамай ыарахан итии ууну ааҕар прибор буолар. Манна прибор сыаната төһө буолара квартира пластик эбэтэр тимир турбалааҕыттан эмиэ тутулуктаах. Пластик турбаҕа олордор буоллахха, сыаната чэпчиир. Аны туран, КПД эбэтэр урукку дьиэлэр куукуналара уонна ванналара тус-туспа турбалаах буолан, квартираҕа икки прибор эрэ туруохтааҕын оннугар түөрт прибор (ваннаҕа анаан икки, куукунаҕа эмиэ икки) туруоруллар.
- Прибордары атыылаһан баран салайар хампаанньаҕа, ТСЖ-га, биитэр анал тэрилтэҕэ сайаапката түһэриллэр. Сантехниктары кытары күҥҥүтүн, бириэмэҕитин болдьоһон баран, дьиэҕитигэр ыҥырыҥ. Манна биири өйдүүр хайаан да наадалаах. Кырааннартан уу таммалаабат буолуохтаах. Өскөтүн ханан эрэ уу быыһылаан тохтор буоллаҕына, харчыгытын таах күдэҥҥэ көтүтэргэ тиийэҕит.
- Счетчигы туруортарыы 2500 – 10300 солк. Холобур, Дьокуускай куоракка 1 счетчигы туруортарыы сыаната 2500 солк., икки – 4700 солк., үс – 7200 солк., түөрт – 8400 солк., биэс – 10300 солк. Пломбалааһын 500 солк.
- Салгыы «Водоканалга», биитэр салайар хампаанньаҕытыгар, ТСЖ-га ааҕар-суоттуур прибордаммыккытын туһунан биллэриҥ.Кинилэр оччоҕуна тута көмпүүтэргэ киллэрэллэр.
Анивера АКИМОВА
+1
+1
+1
+1
+1
+1
+1