Сбербаан телемэдиссиинэ өҥөтүн киллэрдэ

Бөлөххө киир:

Кулун тутар 23 күнүттэн Арассыыйа олохтоохторо төлөпүөнүнэн, эбэтэр  мобильнай сыһыарыы нөҥүө Сбербаан ситимигэр киирэр DocDoc телемэдиссиинэ өҥөтүнэн туһанар кыахтаннылар.


8 800 707-85-72  call-кииҥҥэ эрийэн тиийдэххэ, оператор, онтон быраас коронавирус дьаҥыттан хайдах харыстанар туһунан сүбэ-ама биэриэхтэрэ.

Маннык уустук кэмҥэ дьиэҕэ хааччахтанан олорон, күн аайы хас киһи COVID-19 дьаҥҥа сыстыбытын, тыына быстыбытын туһунан иһитиннэриилэри көрө-истэ сылдьан, үксүлэрэ истириэскэ ылларан бараллар. DocDoc уонна #МЫВМЕСТЕ бэйэ-бэйэҕэ хардарыта көмөлөсүһүү платформата психологтар көмөлөрүн тэрийэр.

Ол курдук, бу ыйтан DocDoc мобильнай сыһыарыы көмөтүнэн, эбэтэр ити ыйыллыбыт колл-киин төлөпүөнүнэн Арассыыйа олохтоохторо идэтийбит психологы кытта кэпсэтэн санааларын сааһыланыахтара,  сүбэни-аманы босхо ылыахтара.

Марианна Тыртыкова, «Саха сирэ» хаһыат, edersaas.ru

Хаартыска: go32.ru

+1
0
+1
0
+1
0
+1
0
+1
0
+1
0
+1
0