Сбербаан: сымыйа сураҕы итэҕэйимэҥ

Ааптар: 
Бөлөххө киир:

Бүгүн социальнай ситиминэн Дьокуускай куоракка Сбербаан офистарыгар харчы биэрбэтэхтэрин туһунан сымыйа сурах тарҕанна.

Маны сорох дьон Арассыыйа Украиналыын бүгүҥҥү сыһыанын кытта ситимнээтилэр. Сбербаан Саха сиринээҕи салаатын пресс-сулууспатын исписэлииһэ Жанна Никоновалыын сибээстэспиппитигэр: «Ити сымыйа сурах. Сбербаан бары офистара штатнай эрэсииминэн үлэлии олороллор. Биирдиилээн дьону уонна тэрилтэлэри кытта толору үлэлиир. Кинилэр бэйэлэрин үптэрин хайдах туһаналларыгар толору кыах бэриллэр. Биһиги ханнык баҕарар балаһыанньаҕа үлэлиир былааммытын бэлэмнээн олоробут. Ол эбэтэр килийиэннэрбит үптэрин-харчыларын, кинилэр бары актыыптарын көмүскүүр былаан барыта бэлэм. Онон Сбербаан иһитиннэриитигэр эрэниҥ. Туох эмэ уларыйыы баар буолла да, ону тута биллэриэхпит«, — диэн эттэ.

Александр Тарасов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0