IOS баазалаах төлөпүөннэргэ СБОЛ диэн саҥа сыһыарыы баар буолла. Бу сааҥсыйанан сотторуллубут «Сбербанк онлайн» сыһыарыыны солбуйуоҕа диэн «Ведомости» саайт иһитиннэрдэ.
Бу сервис урукку сыһыарыыттан туох даҕаны уратыта суох буолбут — иһинээҕитэ биир.
СБОЛ — «Сбербанк онлайн» диэни кылгаппыттар. Манна каарта нүөмэринэн киириэххэ сөп. Атын баан каартатын нүөмэрин суруйдахха, ол баан сыһыарыытыгар көһөрөр.
Саҥа сыһыарыыны «Открытые ИТ-решения» (LLC Open IT-Solutions) хампаанньа оҥордо.
Сбербаан бэрэстэбиитэлэ СБОЛ сыһыарыы туох даҕаны куттала суох диэн бигэргэтэр уонна iPhone төлөпүөннээхтэр хачайдыылларыгар сүбэлиир. Эрдэ «Сбербанк онлайн» сыһыарыылаах дьон СБОЛ сыһыарыыны хачайдыыллара наадата суох.
Бу саас баан утары АХШ сааҥсыйалары киллэрэн, Apple хампаанньа App Store уонна Google Play платформалартан Сбербаан сыһыарыыларын сотторбута.