Арассыыйа уонна Украина сыһыаннарыттан сылтаан араас хабааннаах санкциялар киирэн эрэллэрэ биллэр. Чуолаан Сбербааҥҥа ити балаһыанньа дьайыа дуо диэн ыйытыы үөскүүр. Сбербаан Саха сиринээҕи пресс-сулууспатын исписэлииһэ Жанна Аянитова нэһилиэнньэ долгуйар ыйытыыларыгар эппиэттээтэ.
—Сбербаан көмөтүнэн билигин валютаны атыылыахха уонна атыылаһыахха сөп дуо?
—Валютаны билиҥҥи кууруһунан Сбербаан бары салааларыттан уонна онлайн сыһыарыы көмөтүнэн атыылаһыахха да, атыылыахха да сөп.
—Билиҥҥи балаһыанньаҕа счеттан валютаны ылыахха сөп дуо?
— Счекка баар валютаны хаһан баҕарар ылар бырааптааххыт.
— Валютаны тас дойдуга баар киһиэхэ ыытар кыахтаахпыт дуо?
— Ыытар кыах толору баар. Сбербаан салаалара итини толорор кыахтаахтар. Эбии анал бэрэбиэркэ ыытылларынан сибээстээн, тустаах операция оҥоһуллуута кыратык бытаарыан сөп. Сбербаан кулун тутар бүтүүтэ тас дойдуларга баар корреспондентскай счеттарга ханнык хааччахтар киириэхтэрин сөбүн туһунан сиһилии үөрэтэр.
—Тас дойдуларга Сбербаан каартатын туттар кыахтаахпыт дуо?
— Visa уонна MasterCard каарталарынан ханнык да хааччаҕа суох тустаах операциялары оҥорор кыахтааххыт. Сбербаан онлайн web-версиятын сыһыарыыта уруккутун курдук үлэлии турар.