«Кредит под 0%» судаарыстыбыннай бырагырааманы олоххо киллэрии саҕаланыаҕыттан, Сбербаҥҥа 12 млрд солк. суумаҕа сайаапка киирдэ.
Баан бырабылыанньатын бэрэссэдээтэлин солбуйааччы Анатолий Попов, 5,8 млрд солк. суумаҕа тэҥнэһэр кирэдьиити биэрэргэ сөбүлэстэ диэн иһитиннэрдэ.
— Кирэдьиити биэрии туһунан Сбербанк урукку килийиэннэригэр ортотунан 15 мүнүүтэ иһигэр быһаарар. Онтон саҥа килийиэннэри кытта үлэ арыый уһун буолар . Баан “кредитнэй каникуллар” диэн кэҥэтиллибит бырагырааматыгар 60 тыһыынчаттан тахса сайаапка киирдэ. Олортон 29 тыһыынча кэриҥэ сайаапка бигэргэннэ, 28 тыһыынчаҕа дуогабар түһэрсилиннэ. Реструктуризация уопсай кээмэйэ 45 млрд солк. тэҥнэстэ, — диэтэ баан бэрэстэбиитэлэ.
Арассыыйа бырабыыталыстыбата дьоҕус уонна орто биисинэһи субсидиялыыр бырагырааматын чэрчитинэн, Сбербанк 700 мөлүйүөн солк. кэриҥэ суумаҕа сайаапкалары хомуйда.
Егор Карпов
+1
+1
+1
+1
+1
+1
+1