Сбербаан каартатын туһанааччыларга потребительскэй кирэдьиит %-на түстэ

Арассыыйа үрдүнэн  судаарыстыбаннай сүрүн Сбербаан потребительскэй кирэдьиит ставкатын %-нын бу күннэргэ түһэрдэ. Сбербаан каартатыгар хамнастара түһэр дьон туһаналлар. Ол курдук,  300 тыһ солк. саҕалаан 1 мөл солк. диэри суумалаах үбү 15,9 %-ҥа ылыахтарын сөп.  Хамнаһы тустаах баан каартатынан ылбат дьоҥҥо потребительскэй кирэдьиит 18,9 %-ҥа тэҥнэһэр.

Сбербаан социальнай уонна хамнаһы быһаарыыга салаатын дириэктэрэ Екатерина Гарцева «Биһиги бу уустук соҕус кэмҥэ нэһилиэнньэни хайаан да өйүөхтээхпит. Тоҕо диэтэххэ, потребительскэй кирэдьиитинэн үгүс киһи туһанар, үп ырыынагар улахан оруоллаах. Бу кирэдьиитинэн дьон олох-дьаһах боппуруостарын быһаараллар. Онон биһиги  Сбербаан каартатын көмөтүнэн хамнастарын ылааччыларга утары баран, потребительскэй кирэдьиит ставкатын түһэрдибит», — диэн быһаарар.

Сбербаан быйылгы сылга бэйэтин килийиэннэригэр элбэх чэпчэтиини оҥордо. Холобур,  бу иннинэ тустаах каартанан хамнастанар дьоҥҥо СберПрайм диэни киллэрбитэ,  манан туһанааччылар каарталарыгар 10000 солк. кешбэги ылыахтарын сөп. Ону тэҥэ, СберАвто диэнинэн тимир көлөнү атыыластахха, араас хабааннаах страховканы оҥорторууга 20 %-наах чэпчэтиинэн туһаныллар.