Сбербаан ааспыт нэдиэлэҕэ потребительскэй кирэдьиит бырыһыанын түһэрбитэ. Аны туран, бүгүҥҥүттэн ипотека киэнин кыччатта. Дьиэни тутааччылартан атыылаһар буоллахха, ипотека бырыһыана 10,9-ка тэҥнэстэ, оттон иккис ырыынак киэнэ 10,75-12,25% буолла.
Александр ТАРАСОВ, «Саха сирэ» хаһыат, https://edersaas.ru
“Сбербаан ипотека ставкатын биллэрдик түһэрдэ. Аны туран, ипотеканы кирэдьииттээһиҥҥэ электроннай өҥөнү туһаныыга болҕомтобутун күүскэ уурабыт. Мантан инньэ дьиэни атыылаһыы докумуонун толоруу уонна регистрациялааһын анал сервис көмөтүнэн оҥоһуллар кыахтанна”, — диэн Сбербаан ипотеканы кирэдьииттээһиҥҥэ уонна партнердары кытта үлэҕэ управлениетын дириэктэрэ Николай Васев иһитиннэрдэ.
Санатар буоллахха, Сбербаан ааспыт нэдиэлэҕэ потребительскэй кирэдьиит сыллааҕы ставкатын %-нын 12,9 оҥорбута. Бу мэктиэһиттээх дьоҥҥо. Оттон мэктиэһитэ суохха 13,9 % буолла.
Александр ТАРАСОВ, «Саха сирэ» хаһыат, https://edersaas.ru