Бүгүҥҥүттэн Сбербаан тутуллан бэлэм уонна тутулла турар дьиэлэри атыылаһыыга ипэтиэкэ ставкатын 18,6 %-ҥа диэри үрдэттэ.
Сбербаан Арассыыйатааҕы Киин баан кирэдьииттээһиҥҥэ ставканы үрдэппитин иһин онно сөп түбэһиннэрэн, ипэтиэкэ ставкатын 18,6 %-ҥа диэри үрдэттэ. Ол эрээри, судаарыстыба бырагырааматынан тутуллар дьиэлэргэ ипэтиэкэ бырыһыана уруккунан хаалар диэн Сбербаан кирэдьииттээһиҥҥэ сулууспата иһитиннэрэр. Потребительскэй кирэдьииттээһиҥҥэ ханнык да уларыйыы суох, оннунан хаалар диэн быһаарбыттар.
Санатар буоллахха, бэҕэһээ, олунньу 28 күнүгэр, Арассыыйатааҕы Киин баан кирэдьииттээһин сүрүн сыллааҕы ставкатын 20 %-ҥа диэри үрдэппитэ. Ити уларыйыы кэнниттэн РФ Бэрэсидьиэнэ Владимир Путин эрдэтээҥи дуогабарга ыйыллыбыт кирэдьиитинэй ставканы улаатыннарбаттарыгар сорудахтаабытын туһунан пресс-сэкиритээр Дмитрий Песков иһитиннэрбитэ. Ол аата Киин баан ставкатын үрдэтиэн иннинэ ипэтиэкэнэн дьиэни атыыласпыт дьон урукку дуогабардара оннунан хаалар, ипэтиэкэлэрин ставката улааппат.
edersaas.ru