Сбербаан килийиэннэрэ мантан ыла 18 саастарын туолаат даҕаны судаарыстыба өйөбүллээх ипэтиэкэҕэ кыттыахтарын сөп. Бу иннинэ «Семейная ипотека», «Господдержка», «Дальневосточная ипотека» диэн судаарыстыбыннай бырагыраамаларга 21 сааһын туолбут эрэ дьон кыттар кыахтаах этилэрэ. Билигин этиллибит чэпчэтиилээх бырагыраамалары туһанан 18 саастарын туолбут эдэр дьон саҥа эбэтэр эрдэ тутуллубут дьиэҕэ кыбартыыра атыылаһар кыахтаннылар. Бу — экэнэмиичэскэй хабааннаах сааҥсыйа кэмигэр эдэр дьоҥҥо улахан өйөбүлүнэн буолуоҕа.
Чэпчэтиилээх ипэтиэкэ бырагырааматыгар дьон кыттыан баҕата уҕараабат. Домклик тэрилтэ эспиэрдэрэ суоттаабыт чахчыларынан, 2022 сыл бастакы биэс ыйыгар Сбербаан килийиэннэрэ ааспыт сыл туһааннаах кэминээҕэр 7 %-нан элбэх чэпчэтиилээх ипэтиэкэни ылбыттар (ол 21 млрд солк. тэҥнэһэр). 2022 сыл тохсунньу уонна ыам ыйын икки ардыларыгар бэриллибит чэпчэтиилээх ипэтиэкэ уопсай кээмэйэ 329 млрд солк. тиийбит.