«Саюри» тэпилииссэ комплекса тутуллан бүттэ

Ааптар: 
Бөлөххө киир:

Дьокуускай олохтоохторун сибиэһэй оҕуруот аһынан хааччыйар «Саюри» тэпилииссэ комплекса тутуллан бүттэ.

Бу туһунан Дьокуускай куорат дьаһалтата иһитиннэрэр. Куорат таһыгар Сыырдаах сэлиэнньэтигэр оҕуруот аһын уонна күөх үүнээйини  үүннэриинэн дьарыктанар «Саюри» Арассыыйаҕа сылы эргиччи үлэлиир бастакы комплексынан буолар. Нэһилиэнньэни олохтоох бэйэ үүннэрбит оҕурсутунан, помидорунан, күөх үүнээйитинэн тохтоло суох хааччыйар сыаллаах-соруктаахтигинэччи үлэлиир.

«Якутия» ТОР резиденэ @tor_yakutia «Саюри» ХЭУо — Саха сирэ уонна Япония өр сыллаах ситиһиилээх бииргэ үлэлээһиннэрин үтүө холобура.

«Олус тымныы сирдээх-уоттаах Сахабыт сиригэр улахан, далааһыннаах үлэлээх биэс сыллаах бырайыак түмүктэннэ. Сылы эргиччи тохтоло суох үлэлии турар тэпилииссэ комплексын тутуу  бырайыага, бу олус хорсун быһыы этэ. Маныаха бу улахан бырайыак РФ бэрэсидьиэнигэр Уһук Илин боломуочуйалаах бэрэстэбиитэлэ — вице-премьер Юрий Трутнев, РФ Уһук Илини уонна Арктиканы сайыннарыы министиэристибэтин, Уһук Илини сайыннарыы пуондатын өйөбүллэринэн олоххо киллэрилиннэ. «Саюри» үрдүк хаачыстыбалаах сибиэһэй оҕуруот аһынан, күөх үүнээйинэн, клубникатынан салгыы хааччыйа турарыгар эрэнэбин«, — диэн СӨ Ил Дархана Айсен Николаев бэлиэтээтэ.

Быйыл манна 1 438 туонна оҕуруот аһын хомуйары былаанныыллар. Ол иһигэр 1 105 туонна оҕурсуну, 314 туонна томаты, 19 туонна күөх үүнээйини. Билиҥҥи туругунан, 2021 сыл былаана 89 % толоруллубут. Маныаха уочаракка турбут 3.1 тэпилииссэ блогун саҥардан биэриинэн, өлгөм үүнүүнү ылыы ситиһиллибит.

«Дьокуускай куорат аэропуордугар түһэн иһэн, тэпилииссэлэр турар улахан комплекстарыттан сып-сырдык уот ыраахтан сандаарарын тута көрөҕүн. Бу улахан агрохамаанда соруктаах, дьулуурдаах үлэтинэн, сыратынан ситиһилиннэ.  Дьэ, билигин «Саюри» Дьокуускайы уонна өрөспүүбүлүкэни сибиэһэй оҕуруот аһынан хааччыйыыга сыаллаах-соруктаах үлэлэһиэ«, — диэн Уһук Илини уонна Арктиканы сайыннарыыга миниистири солбуйааччы Анатолий Бобраков санаатын үллэһиннэ.

«Саюри» ХЭУо үүннэрэн таһаарар бородууксуйатынан Дьокуускай ырыынагын 20-25 %, өрөспүүбүлүкэҕэ уонча бырыһыаны хааччыйыаҕа.

«Саюри» бырайыагы олоххо киллэрии 2016 сыллаахха саҕаламмыта. Билигин ирбэт тоҥноох сиргэ тутуллубут улахан тэпилииссэ комплекса сылы эргиччи сибиэһэй оҕуруот аһынан уһуйааннары, оскуолалары, Дьокуускай куорат олохтоохторун хааччыйар.

Андрей Сорокин (СИА) хаартыскаларга түһэриитэ.

+1
0
+1
0
+1
0
+1
0
+1
0
+1
0
+1
0