Сылы эргиччи үлэлиир «Саюри» тэпилииссэ үһүс уочарата арылынна.
Дьокуускай куорат таһыгар, Тулагыга баар дьон-сэргэ сэҥээриитин ылбыт «Саюри» тэпилииссэ үһүс уочаратын бастакы түһүмэҕэ арылынна. Бу аан дойду болҕомтотун тардыбыт бырайыак үөрүйэҕэ Арктика зонатыгар эрэ буолбакка, атын кытаанах килиимэттээх дойдуларга эмиэ тарҕаныа диэн эрэл баар.
Билигин 0,8 га иэннээх түөрт тэпилииссэ блога үлэҕэ киирдэ. Манна оҕурсулар, помидордар номнуо олордуллубуттар. Маныаха саҥа тэпилииссэ эбии киллэриллибитинэн, быйылгы сылга 860-870 тонна үүнээйи үүнэ турар диэн этэллэр. Бу ааспыт 2019 сылтан 3,5 төгүлүнэн элбэх. Оттон бастакы үүнүүнү номнуо алтынньыга хомуйар былааннаахтар.
—-2024 сылга диэри бэйэ оҥорон таһаарар үрдүк хаачыстыбалаах аһынан нэһилиэнньэни хааччыйыы таһымын үрдэтиэхтээхпит. Бырайыагы сайыннарарга, тэпилииссэлэргэ оҕуруот аһын арааһын элбэтэргэ сорук турар,— диэн СӨ Бырабыыталыстыбатын бэрэссэдээтэлин э.т. Андрей Тарасенко эттэ.
Тэрилтэ бырайыак үһүс түһүмэҕин үлэҕэ киллэрэргэ ылсыбыт. Маныаха алта тэпилииссэ блогун фундаменын оҥорор үлэ күргүөмнээхтик саҕаламмыт. Иккис уочараты 2021 сыл үһүс кыбартаалыгар киллэрэр соруктаахтар.
Тэрилтэҕэ билиҥҥитэ 64 киһи үлэлиир буоллаҕына, 2021 сылга 80 киһиэхэ тиэрдэр былаан баар.
СӨ Ил Дархан уонна Бырабыыталыстыба пресс-сулууспата
ТОР «Якутия» пресс-сулууспатын хаартыскалара
+1
+1
+1
+1
+1
+1
+1