“Сатабыллаах хаһаайка” куруһуок тэриллибитэ биэс сыла...
Олох-дьаһах - Саха ыала

“Сатабыллаах хаһаайка” куруһуок тэриллибитэ биэс сыла

Уус-Алдан улууһун Тулуна бөһүөлэгин «Сайдыы» сынньалаҥ киинин иһинэн үлэлиир «Сатабыллаах хаһаайка» куруһуок тэриллибитэ 5 сылын көрсө, сэтинньи ортотугар дьиэ хаһаайкаларын, эдэр ийэлэри,  ыалдьыттары түмэн, араас тиэмэлээх маастар-кылаастары ыытан, нэһилиэк иһин улаханнык сэргэхситтэ.


 

Бу биэс сыл устата куруһуок ыйга биирдэ, дьон интэриэһин учуоттаан иискэ, ас арааһын астааһыҥҥа, араас оҥоһуктары оҥорууга, элбэххэ үөрэтэн кэллэ. Ол курдук, нэдиэлэ саҕаланыытын кэрэ аҥар түөскэ кэтэр киэргэлин оҥоруутунан саҕалаатыбыт. Маны биһиэхэ  И.Н.Новгородова, сахалыы тыыннаах дьиэ-уот харысхалын (точечная роспись) Л.С.Сергеева, оҕуруонан ытарҕаны Н.И.Куприянова, трикотаж саптан корзина өрүүтүн Р.М.Дегтярева, айылҕа бэлэҕин таба туһанан доруобуйаҕа туһалаах эмтээх чэй оҥоруутун М.Н.Сергеева, аныгы дьэҥкир кэмпиэт оҥоруутун А.Б.Терентьева кэпсээн, көрдөрөн үөрэттилэр.

Ону тэҥэ, куруһуок салайааччылара Т.П.Васильева, Н.И.Куприянова биир күн оскуола үрдүкү кылаас кыргыттарыгар экокожаттан сахалыы ытарҕаны оҥорууга маастар-кылаас биэрдилэр. Онтон нэдиэлэни түмүктүүр күҥҥэ, куруһуок 5 сыллаах үлэтин быыстапкатын сынньалаҥ киинин фойетыгар биир гына тэлгэттилэр, ол кэннэ сүүйүүлээх оонньууну тэрийдилэр. Манна дьиэҕэ-уокка туттуллар тэриллэр, уран тарбахтаахтар оҥоһуктара, хаһаайкалар минньигэс астара оонньонно. Сүрүн бирииһи — дьиэ миэбэлин, прихожканы, нэһилиэк дьаһалтатын баһылыга И.И.Троев өйөөн туруорда. Бу курдук биир нэдиэлэ устата куруһуокка кэлбит дьон киэһэ ахсын араас саҥа сатабылга үөрэннэ, туһалаах сүбэни-аманы иһиттэ.

Нэдиэлэ устата барбыт тэрээһини ыытарга сүүрбүт-көппүт, сүбэ-ама биэрбит дьоммутугар куруһуок салайааччыларын аатыттан махталбытын биллэрэбит.

 

edersaas.ru саайтка анаан Татьяна ВАСИЛЬЕВА, Уус Алдан.

4
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

семнадцать + четырнадцать =