Сарсын, ахсынньы 12 күнүгэр, Нэһилиэнньэни кытары тус көрсөр Бүтүн Арассыыйатааҕы күҥҥэ Доруобуйа харыстабылын министиэристибэтэ кыттыһыаҕа.
Бу күн күнүс 12 чаастан киэһэ 20 чааска диэри Дьокуускай к. Курашов уулуссатын 36 нүөмэрдээх дьиэтигэр кэлбит киһи кыһалҕалаах боппуруостарын истиэхтэрэ, сүбэ-ама биэриэхтэрэ. Дьаһалга министиэристибэ салалтата уонна дуоһунастаах дьон кыттыахтара. Эһиги сөбүлэҥҥитинэн видео-конференц-сибээс, видеонан сибээс, аудионан сибээс көмөлөрүнэн тус этиигитин боломуочуйалаах дьоҥҥо тириэрдии хааччыллыаҕа.
Тус боппуруоһу быһаартарыы тыыннаах уочарат быһыытынан барыаҕа. Онуоха пааспаргытын илдьэ кэлэргитин умнумаҥ. Манна кэлэргэ Курашов уулуссатын 36 дьиэтигэр 303 кэбиниэккэ эрдэттэн суруйтарыахха эбэтэр 8(4112)42-40-22 төлөпүөҥҥэ эрийиэххэ сөп.
Манна сыһыаран эттэххэ, Бүтүн Арассыыйатааҕы күн РФ Президенин сорудаҕынан 2013 сыл ахсынньы 12 күнүттэн сыл аайы РФ Төрүт Сокуонун күнүгэр ыытыллар.
Надежда ЕГОРОВА, “Саха сирэ” хаһыат, edersaas.ru