Сарсын, олунньу 28 күнүгэр М.К.Аммосов аатынан ХИФУ естественнэй наукаларга факультетын куорпуһугар 10.00-16.00 чааска үрдүк, орто анал үөрэҕи бүтэрээччилэргэ уонна үөрэх систиэмэтигэр үлэ көрдүүр дьоҥҥо анаан педагог дьаарбаҥкатын ыыталлар.
edersaas.ru
2020-2021 үөрэх дьылыгар педагогическай каадырынан хааччыйыыга, былаан быһыытынан, 886 вакансия биллэриллибит. Үөрэх тэрилтэлэригэр сүрүннээн англия тылын, математика, нуучча тылын уонна литэрэтиирэтин, алын кылаас, история уонна обществознание учууталлара, ону тэҥэ, педагог-психологтар, иитээччилэр, муусука салайааччылара ирдэнэллэр.
Дьаарбаҥкаҕа үлэ биэрээччилэр — өрөспүүбүлүкэ 27 улууһун үөрэҕин управлениетын исписэлиистэрэ кыттыахтара. Сүрүннээн Сунтаар, Хаҥалас, Алдан, Миринэй, Нерюнгри, Ленскэй, Өлүөхүмэ, Бүлүү, Булуҥ, Өймөкөөн улуустарыгар вакансиялар аһаҕас тураллар.
СӨ Үөрэҕин уонна наукатын министиэристибэтин пресс-сулууспата.
+1
+1
+1
+1
+1
+1
+1