Сарсын, бэс ыйын 2-гэр, Намҥа ССРС спордун маастара, Арассыыйа түһүлгэтин үрүҥ көмүс призера Кирилл Павлов бирииһигэр көҥүл тустууга өрөспүүбүлүкэтээҕи турнир ыытыллар.
edersaas.ru
Онно Саха сирин күүстээх спортсменнара кытталлара күүтүллэр. Тустууну сэҥээрээччилэр Нам көбүөрүгэр Арассыыйа чөмпүйүөнэ Егор Пономарев, устудьуоннар ортолоругар дойду чөмпүйүөнэ Арыйаан Тютрин, Европаҕа, аан дойдуга бастыыр иһин турнирдар кыайыылаахтара Алексей Копылов уо.д.а көрүөхтэрэ. Сүүмэрдэммит хамаанда хапытаана Виктор Рассадин бу түһүлгэҕэ кыттара-кыттыбата билиҥҥитэ биллибэт.
Турнир биир күн Петр Юмшанов Тустууга оскуолатын саалатыгар ыытыллыа, бөҕөстөр 61, 65, 70, 74, 86 уонна 97 кг ыйааһыннарга күрэстэһиэхтэрэ.
Роман Попов, edersaas.ru
Хаартыска — интэриниэттэн.