Сарсын Ил Дархан Анал этиитин быһа эпииргэ көрүҥ

Бөлөххө киир:

Ахсынньы 15 күнүгэр өрөспүүбүлүкэ Аҕа баһылыга Айсен Николаев Ил Түмэҥҥэ туһаайан Анал этиитигэр Саха сирин чугастааҕы уонна кэнники сылларга сайдыытын торумнуоҕа.

Үгэс курдук, Анал этии Федерация Сэбиэтин сенатордара, Госдуума дьокутааттара, Ил Түмэн норуодунай дьокутааттара, бырабыыталыстыба чилиэннэрэ, суут, борокуратуура бэрэстэбиитэллэрэ, куорат уокуруктарын баһылыктара, уопсастыбаннай диэйэтэллэр, уо.д.а. баалларына ааҕыллар.

Бу Ил Дархан Анал этиитэ өрөспүүбүлүкэ экэниэмикэ, социальнай, экологическай, о.д.а. өттүнэн сайдыытыгар улахан суолталаах. Бырабыыталыстыба, парламент, олохтоох бэйэни салайыныы уорганнара инникитин хайдах хайысханы тутуһан үлэлииллэрэ торумнанар. Пандемия кэмигэр доруобуйа харыстабылын, экология, үлэлээх, дьарыктаах буолуу, ИТ-сайдыы боппуруостара, о.д.а. таарыллаллара былааннанар.

Айсен Николаев Анал этиитин сарсын 12 чаастан “Саха” НКИХ, “Якутия 24” ханаалларга, “Тэтим” араадьыйаҕа, социальнай ситимнэргэ быһа эпииргэ көрүөххэ-истиэххэ сөп.

Ону тэҥэ, ахсынньы 15 күнүгэр киэһэ 6 чаастан Ил Дархан “Россия 24” ханаалга “Прямой разговор” биэриигэ быһа эпииргэ кыттыаҕа. Өрөспүүбүлүкэ олохтоохторо быһа эпиир кэмигэр ыйытыыларын 8(4112) 32-03-03 нүөмэринэн эрийэн, биэриэхтэрин сөп. Биэрии кэмигэр иһиллибэккэ хаалбыт ыйытыылары барыларын Ил Дархаҥҥа тиэрдиэхтэрэ.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0