Атырдьах ыйын 22 күнүгэр дойду үрдүнэн Арассыыйа Федерациятын былааҕын күнэ бэлиэтэниэҕэ.
Ыччат уонна социальнай коммуникациялар министиэристибэлэрэ Арассыыйатааҕы оскуола үөрэнээччилэрин хамсааһыннарын итиэннэ кадеттар интэринээт-оскуолаларын кытары бу күннэргэ маннык онлайн-дьаһаллары тэрийэ сылдьаллар:
Атырдьах ыйын 20-22 күннэригэр — «Былааҕы көтөҕүү» патриотическай аахсыйа» (онлайн-аахсыйа); «Иннибит диэки, Арассыыйа!» флешмоб (танцевальнай онлайн флешмоб); «Улуу держава былааҕын аннынан» аахсыйа (хаартыскалар куонкурустара), онлайн-куонкурус; «Мин Арассыыйам, мин былааҕым» аахсыйа (уус уран оҥоһуктар куонкурустара), онлайн-куонкурус;
Сарсын, атырдьах ыйын 22 күнүгэр, «Арассыыйа былааҕын историята» диэн онлайн-викторина буолуоҕа.
Раиса Сибирякова.
Хаартыска — СИА.