Сарсыҥҥыттан Аллараа Бэстээхтэн Благовещенскайга диэри буойас айанныаҕа

Сарсын, атырдьах ыйын 24 күнүттэн, Аллараа Бэстээх станциятыттан Благовещенскайга диэри пассажирдары таһар буойас айанныыр буолуоҕа. Бу туһунан СӨ Бырабыыталыстыбатын бэрэссэдээтэлэ Андрей Тарасенко Телеграм-ханаалыгар иһитиннэрдэ.

Бу иннинэ буойас Тындаҕа эрэ диэри тиийэрэ, билигин Амур уобалаһын киинигэр диэри айанныыр буолла. Благовещенскайга диэри айаҥҥа биир суукка уонна 16 чаас барар.

Саҥа хайысханы киллэрии ис туризм сайдарыгар саҥа кыахтары биэриэҕэ, эрэгийиэннэр социальнай-экэнэмиичэскэй сыһыаннаһыыларын бөҕөргөтүөҕэ.

Алтынньыттан Благовещенскайга уонна Владивостокка диэри буойастар күннэтэ айанныыр буолуохтара.