Саргылаана Игнатьева: Айар сатабыл эксээмэнин сирэй көрсөн тутуохпут диэн эрэнэбин

Бүгүн, бэс ыйын 18 күнүгэр, Култуура уонна искусство Арктикатааҕы судаарыстыбаннай института быйылгы онлайн-туттарсыы туһунан видео-сибээс көмөтүнэн суруналыыстарга аналлаах пресс-кэмпириэнсийэни  тэрийэн ыытта.

edersaas.ru

Айар хайысхалаах үрдүк үөрэх кыһатыгар онлайн-туттарсыы ыытыллара уустугун Саха Өрөспүүбүлүкэтин судаарыстыбыннай сүбэһитэ, духуобунас академиятын чилиэнэ Андрей Саввич Борисов бэлиэтээн эттэ. Кини артыыстары бэлэмниир быйылгы салааны салайыаҕа. Манна ректор  Саргылаана Игнатьева Үөрэх уонна Култуура  министиэристибэлэриттэн  эппиэт күүтэллэрин уонна айар сатабылы сирэй көрсөн туталларыгар эрэнэрин туһунан эттэ.

Тэриллибитэ 20 сылын бэлиэтиир элбэх биллэр артыыстары, худуоһунньуктары уонна култуура атын салааларыгар үлэлии сылдьар айар куттаах исписэлиистэри бэлэмнээбит Култуура уонна искусство Арктикатааҕы судаарыстыбаннай института быйылгы абитуриеннары долгуйа күүтэр.

Үөрэххэ туттарсыы туһунан сиһилии  http://agiki.ru   диэн АГИКИ саайтыгар киирэн билсиэххэ сөп.

Ньургуйаана Иванова, “Саха сирэ” хаһыат, edersaas.ru

Хаартыска интэриниэттэн