СӨ Ыччат дьыалаларыгар уонна социальнай коммуникацияларга миниистирэ Степан Саргыдаев «Сохраним памятники» бырайыакка кыттарын туһунан Инстаграм-аккаунугар иһитиннэрдэ. Кини бэйэтин үбүнэн биир дойдулааҕын — суруйааччы Семен Яковлев-Эрилик Эристиин өйдөбүнньүгүн саҥардыаҕа.
«Сохраним памятники» бырайыакка кыттыы миэхэ улахан чиэс уонна эппиэтинэс, эрэгийиэннээҕи суолталаах «Семен Яковлев-Эрилик Эристииҥҥэ өйдөбүнньүк» эбийиэги таллым. Чурапчы улууһун Дириҥэр баар. Семен Степанович — Гражданскай сэрии кыттыылааҕа, саха биллэр суруйааччыта. Бэйэм үппүнэн өрөмүөннүүр үлэни ыытыам уонна территориятын оҥоруом. Саха сирин норуоттарын историятын харыстыахха уонна ыам ыйын 5 күнүгэр Ил Дархан Айсен Николаев саҕалаабыт «Сохраним памятники» бырайыакка кыттаргытыгар ыҥырабын», — диэн миниистир Степан Анатольевич бэлиэтиир.
Эрилик Эристиин өйдөбүнньүгүн 1963 сыллаахха скульптор А. Филиппов оҥорбута.
Бырайыакка кыттар баҕалаахтар добровольцыроссии.рф саайтка регистрацияланыҥ.
https://www.instagram.com/p/ByG0KLhIcF5/
edersaas.ru