Сүрүн Успуорт

Сардаана Трофимова Кошицкайдааҕы марафоҥҥа сүүрүөҕэ

Сарсын, алтынньы 3 күнүгэр, Сардаана Трофимова Европа биир саамай ааттаах-суоллаах марафонугар сүүрүөҕэ. Бу марафон сыллата алтынньы бастакы өрөбүлүгэр Словакия Кошице куоратыгар ыытыллар. 

Норуоттар икки ардыларынааҕы марафон 1924 сылтан ыытыллар, манна араас дойдулар бастыҥ сүүрүүктэрэ мусталлар. Сардаана Трофимова ааттаах-суоллаах марафоҥҥа бастакытын кыттыаҕа. Санатан суруйдахха, бу сыл ыам ыйыгар Сардаана нейтральнай статуһу ылбыта. Бу иннинэ кини муус устарга Арассыыйа чөмпүйэнээтигэр сүүрбүтэ.

Кошицкайдааҕы марафон дьахталларга рекордун 2016 сыллаахха кенийка Керио Кипроп 2 чаас 27 мүнүүтэ 34 сөкүүндэнэн сүүрэн кэлэн олохтообута. Онно тэҥниир эбит буоллахха, Сардаана Трофимова тус рекордун — 2 чаас 24 мүнүүтэ 38 сөкүүндэнэн кэлэн Франкфуртааҕы марафоҥҥа 2014 сыллаахха оҥорбута.

 

0
0
Telegram @edersaas20