Сардаана Трофимова: «Бу түбэлтэҕэ мин бэйэбин чөмпүйүөн курдук буолбакка, кыһалҕалаах курдук сананным»

13.12.2020
Бөлөххө киир:

SakhaLife ааҕааччыта, тыыл бэтэрээнэ Никита Сергеевич Прохоров этиитин ылынан,  саайт Сардаана Трофимованы өйүүр сыаллаах «Сардаана Трофимоваҕа — мөлүйүөн» диэн  харчы хомуйуутугар  аахсыйаҕа кыттыһарга  Саха сирин олохтоохторун ыҥырбыта.

Бастаан саайт суруналыыстара 10 тыһыынча солкуобайы биэрбиттэр. Хомуйуу тохсунньу 31 күнүгэр түмүктэниэхтээх.

Аахсыйа туһунан Сардаана бэйэтин инстаграм ситимигэр маннык суруйда:

«Күндү Сахам сирин олохтоохторо! Мин эһиги сыанабылгытын уонна болҕомтоҕутун олус уйадыйа, үөрэ иһиттим уонна ылынным. Миэхэ үчүгэйи эрэ баҕараргытын билэбин. Ол эрээри, миигин сөпкө өйдөөҥ. Харчы хомуйуутун биллэрбиккитигэр, мин кыбыһынным. Бу түбэлтэҕэ мин чөмпүйүөн курдук буолбакка, кыһалҕалаах курдук сананным. Ис сүрэххититтэн оҥорбуккутун өйдүүбүн. Ол эрээри, бу харчы наадыйар, кыһалҕалаах дьоҥҥо быдан туһалаах буолуо. Онон, бу хомуллубут харчы, ким эрэ олоҕор  саҥа дьыллааҕы алыптаах түгэн курдук тиийэн кэллин. Маннык быһаарыныы сөптөөх буолуо. Барыгытыгар махтал!».

edersaas.ru

+1
0
+1
0
+1
0
+1
0
+1
0
+1
0
+1
0