Санкт-Петербурга — «Вдохновение Арктики» бэстибээл

Ааптар: 
Бөлөххө киир:
Хоту, Сибиир уонна Уһук Илин төрүт олохтоох аҕыйах ахсааннаах норуоттарын «Вдохновение Арктики» диэн бэстибээллэрэ Санкт-Петербург куоракка буолла.
Тэрээһин түһүлгэтигэр Камчаткаттан, Саха сириттэн, Чукоткаттан, Таймыыртан, Мурманскай уобаластан, Санкт-Петербуртан, айар кэлэктииптэр муһуннулар.
Бэстибээли «Санкт-Петербург –  центр этнокультурного развития народов Севера» биэдэмистибэ бырайыагын иитинэн Хоту, Сибиир уонна Уһук Илин төрүт олохтоох аҕыйах ахсааннаах норуоттарын ассоциацията, Санкт-Петербурга Арктика дьыалаларыгар кэмитиэт  тэрийдилэр.
Питер олохтоохторугар уонна ыалдьыттарыгар анаммыт тэрээһин бастакы күн национальностар дьиэлэригэр, иккис күн Таврическай саад былаһааккатыгар ыытылынна. Манна маастардар мастан, оҕуруоттан, түүлээхтэн, замшаттан, балык хатырыгыттан уонна тириититтэн, о.д.а. уус-уран оҥоһуктара көрдөрүүгэ туруорулуннулар, болҕомтону тартылар. Маастар-кылаастарга дьон-сэргэ үөрүүнэн сырытта. Артыыстар ырыалара, үҥкүүлэрэ, муусука үстүрүмүөннэригэр оонньууллара тэрээһини сэргэхситтэ, дохсун ытыс тыаһынан арыалланна.
Саха сириттэн тэрээһиҥҥэ уран тарбахтаах иистэнньэҥнэр Ия Герес (Дьокуускай), Афина Дарианова (Анаабыр), этно ырыаһыт Екатерина Слепцова (Булуҥ) уонна Максим Дуткин (Аллайыаха) кытыннылар. Манна Эдьигээн, Усуйаана, Алдан, Анаабыр уран тарбахтаахтарын иистэнньэҥнэрин үлэлэрэ дьоҥҥо-сэргэҕэ көрдөрүлүннэ, оҕуруонан киэргэтиигэ, түүлээҕи аттаран тигиигэ маастар-кылаас ыытылыннылар.
Максим Дуткин «Хиргэн» (хабарҕа ырыатын), «Кулар икэн» (хопто ырыатын), «Оралчимӊа икэн» (табаһыт ырыатын), Екатерина Слепцова «Хэрэнмэл икэн», «Буһурукан», «Гудэ дуннэ» ырыалары ис дууһаларыттан сүрдээх үчүгэйдик толороннор улахан кэрэхсэбили ыллылар.
Бэстибээл кыттыылаахтара айар үлэлэрин билиһиннэрдилэр, санааларын үллэһиннилэр уонна түһүлгэҕэ мустубут дьону-сэргэни эҕэрдэлээтилэр, араас оонньуунан болҕомтону тартылар.
Тэрээһин түгэннэриттэн хаартыскалар «Инди» ЭКК тиксэриилэрэ,
Чокурдаах, Аллайыаха.
+1
0
+1
0
+1
0
+1
0
+1
0
+1
0
+1
0