Ил Түмэн пресс-сулууспата иһитиннэрбитинэн, Судаарыстыбаннай Дуума туризмҥа уонна туристическай инфраструктураны сайыннарыыга кэмитиэтин бэрэссэдээтэлэ Сангаджи Тарбаев салайааччылаах оробуочай бөлөҕө кэллэ.
Оробуочай бөлөххө туһааннаах кэмитиэт бэрэссэдээтэлин бастакы солбуйааччыта Николай Валуев, солбуйааччылар Сергей Кривоносов уонна Татьяна Лобач, «Корпорация развития Дальнего Востока и Арктики» АУо мониториҥҥа департаменин дириэктэрин солбуйааччы Мария Бадмацыренова бааллар.
Ыам ыйын 20 күнүгэр Ил Түмэҥҥэ көһө сылдьар мунньах ыытыллыаҕа, оттон сарсын оробуочай бөлөх Горнай улууһун Бэс Күөлүгэр үлэлиэҕэ. Маны таһынан туристическай эбийиэктэргэ сылдьаллара былааннанар.
Госдуума дэлэгээссийэтин сырыытын кэмигэр туризм салаатын боппуруостарын ырытыһыахтара, федеральнай сокуон бырайыактарын оҥорууга бииргэ үлэлиэхтэрэ.
edersaas.ru