Айылҕа харыстабыла

Сангаарга уоту умуруорааччылар күүстэрин түмүү саҕаланна

Кэбээйи улууһун Сангаар сэлиэнньэтин таһыгар ойуур баһаарын утары ВСУ (уу тиэйэр анал тэрил) сэбиргэллээх бөртөлүөт үлэлиир. Сангаар таһыгар уоту умуруорарга туһаныллар тэрили, күүһү түмүү үлэтэ бара турар.

Күүстээх тыалтан ойуур баһаара Сангаар бөһүөлэгэр чугаһаабыт. Ыксаллаах быһыыны-майгыны сэрэтэргэ уонна туоратарга биир кэлим судаарыстыбаннай систиэмэ (РСЧС) манна сөптөөх күүһү мунньууну саҕалаата. Билигин итиннэ уоту утары 40 киһи уонна 6 тиэхиньикэ үлэлии сылдьар. Ол иһигэр МЧС уу тиэйэр тэриллээх Ми-8 бөртөлүөтэ. Кэбээйи улууһун диспетчерскэй сулууспата иһитиннэрбитинэн, уот ньиэп баазатыттан 1,2 килэмиэтирдээх сиргэ бэлиэтэммит.

«Саха сирэ» хаһыат, edersaas.ru

Хаартыска sakha.gov.ru

0
0