Маны аах Уопсастыба Успуорт

Сангаарга — күргүөмүнэн сэрээккэ

Сангаар олохтоохторугар доруобуйаларын чэбдигирдэр сэрээккэ ыытылынна. Дьон-сэргэ көхтөөхтүк кытынна.
Сэрээккэни кроссфитка дьарыктыыр уонна оҕо спортивнай оскуолатын дириэктэрэ «Биир ньыгыл Арассыыйа» Кэбээйитээҕи салаатын кытта көмөлөөн ыыттылар. Тэрийиигэ эдэр гвардеецтар кытыннылар.
Бу чэгиэн, чөл олоҕу тарҕатар сыаллаах, ону сэргэ, СӨ Чэбдигирии, Кэбээйи улууһугар ГТО уонна физкултуура сылларынан тэрилиннэ.
Тэрээһиҥҥэ Кэбээйи улууһун дьаһалтатыттан, Т.Е.Сметанин аатынан улуустааҕы бибилэтиэкэттэн, «Атлантида» СК, Сангаар 1 №-дээх орто оскуолатыттан ахсыс кылаас үөрэнээччилэрэ нуучча тылыгар уонна литературатыгар учууталларын, кылаастарын салайааччытын кытта уонна бөһүөлэк  олохтоохторуттан баҕалаахтар кытыннылар.
«Нэһилиэнньэ сайдыытыгар туһуламмыт тэрээһин ыытыллара наада. Сааһыттан хааччаҕа суох ким баҕарар кыттара көҥүл. Сөптөөх хамсаныы, маассабай сэрээккэ доруобуйаны чэбдигирдэрин таһынан, көлүөнэлэри ыкса ситимниир, сибээстиир. Улахан киһи чөл, чэгиэн олоҕу тутуһара, онно тардыһара улаатан эрэр оҕолорго үчүгэй холобур буолар. Сөптөөх хамсаныылары оҥорууну, сэрээккэни тэрийэн ыытыаҕыҥ уонна онно дьиэ кэргэнинэн кыттыаҕыҥ. Бөһүөлэкпит олохтоохторо чэгиэн доруобуйалаах, күүс-уох өттүнэн сайдыылаах буолалларыгар кыһаллыаҕыҥ», — диэн Светлана Кузенко этэр.
0
0