Сорох дьон санаторийга сынньаналларыгар кэккэ чэпчэтиинэн туһанар кыахтаахтар. Ол курдук, санаторийга эмтэнэллэрэ төлөнөр, эбэтэр, харчынан бэриллэр. Маннык чэпчэтиинэн тыыл бэтэрээннэрэ, 60 саастарын туолбут үлэ бэтэрээннэрэ, атын хайысханан санаторийга эмтэнэ илик сэрии кэмин оҕолоро туһаналлар.
Сайабылыанньа бэриллибит күнүнэн уочаракка туруоран, социальнай көмүскэл управлениелара биэрэллэр. Коронавирус тарҕанан, уустук санитарнай-эпидемиологическай балаһыанньа үөскээбитинэн, быһыыны ылбыт уонна чэпчэкитик ыалдьыбыттара 3 ый, ыараханнык ыалдьыбыттара 6 ый ааһа илик дьон маннык чэпчэтиинэн туһанар буолбуттар.
Ону тэҥэ, тыыл бэтэрээннэригэр путевка сыанатын харчынан төннөрөллөр. Кинилэр чэпчэтиинэн икки сылга биирдэ, үлэ бэтэрээннэрэ, сэрии кэмин оҕолоро үс сылга биирдэ туһанар кыахтаахтар. Үлэ бэтэрээннэригэр путевка сыанатын харчынан толуйуу 80%, сэрии кэмин оҕолоругар 50% оҥоһуллар.
Ороскуоту толуйтарарга путевканы, сайабылыанньаны, ирдэнэр докумуоннары социальнай көмүскэл управлениетыгар сыл иһинэн бэриллэр. “Госуслуги” уонна e-yakutia.ru порталлар нөҥүө эмиэ биэриэххэ сөп.
Ангелина Васильева, «Саха сирэ» хаһыат, edersaas.ru
Хаартыска: sakha.gov.ru