Саҥа дьыллааҕы нобуордары госпиталларга сытар байыастарга туттардылар.
Бу күннэргэ СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников, Уһук Илин федеральнай уокуругар СӨ бастайааннай бэрэстэбиитэлэ Ким Борисов уонна Саха сиринээҕи Быыһыыр сулууспа начаалынньыга Иннокентий Андросов Приморье кыраайыгар байыаннай госпиталларга сырыттылар.
«Госпиталларга сытар байыастары көрүстүбүт. Хас биирдиилэрин кытары кэпсэттибит, кинилэр санааларын иһиттибит. Байыастар санаалара бөҕөх. Кинилэр болҕомто уурулларын, дойдуларыттан, дьиэлэриттэн өйүүллэрин билэллэрэ хайаан да наада», — диэн этэр Иннокентий Андросов.
Саҥа дьыллааҕы набордар госпиталларга сытар байыастарга Ил Дархан Айсен Николаев сорудаҕынан туттарылыннылар. Өрөспүүбүлүкэ бэрэстэбиитэллэрэ быраастарга уонна мэдиссиинэ бары үлэһиттэригэр сыраны эрэйэр үлэлэригэр тулуурдарын, дьоҥҥо көмөлөһөр үтүө санааларын иһин махтаннылар. Байыастар түргэнник үтүөрэллэригэр, этэҥҥэ буолалларыгар баҕардылар.
«Саха сиринээҕи Быыһыыр сулууспа» ГБУ пресс-сулууспата
Хаартыскалар тустаах тэрилтэ пресс-сулууспатыттан