Уопсастыба

Сөмөлүөт көппөт, түспэт тумана турда

S7 хампаанньа сөмөлүөтэ тумантан сылтаан Дьокуускай аэропуордугар түспэккэ Хабаровскайга саппаас аэродромҥа барда.

3243 нүөмэрдээх Новосибирскай — Дьокуускай рейс сөмөлүөтэ Хабаровскай аэропордугар түстэ. Онно халлаан туруга көнөрүн, туман сүтэрин күүтэр. Маны таһынан, тумантан сылтаан өрөспүүбүлүкэ иһинэн көтөр «Полярные авиалинии» авиахампаанньа рейстэрин көтөр бириэмэлэрэ уһатыллыбыт.

Оптуорунньукка тумантан сылтаан, Новосибирскайтан иһэр икки сөмөлүөт кыайан Дьокуускай аэропордугар түспэтэхтэр. Оттон Өлүөхүмэттэн көппүт сөмөлүөтү Маҕан аэропуордугар ыыттылар.

Николай Попов, «Саха сирэ» хаһыат, edersaas.ru

1
0
Telegram @edersaas20

Добавить комментарий