Хаҥалас улууһун Бастакы Дьөппөн нэһилиэгэр баар “Самартай” тыа хаһаайыстыбатын кэпэрэтиибигэр сүүрбэ киһи үлэлиир.
edersaas.ru
Хаһаайыстыба оҥорор бородууксуйатын көрүҥүн элбэтэргэ үлэлэһэр. Ол курдук, быйыл 15 мөл. солк. суумалаах граны ылан, астыыр сыахха үүтү тетрапак бакыакка кутар уонна эти кэнсиэрбэлиир ситимнэри үлэҕэ киллэрдэ.
— Балаҕан ыйыттан саҕалаан, 2,5 уонна 3,2 %-наах үүтү икки туоннаны куттубут, — диир кэпэрэтиип салайааччыта Егор Аммосов. — Билигин эти кэнсиэрбэлииргэ ылсан эрэбит, бородууксуйабытын сертификатын оҥорторо сылдьабыт. Кэлэр өттүгэр «Флот мокоруона» уонна “Фрикаделькалаах ириис” диэн кэнсиэрбэлэри оҥоруохпут.
Саҥа бырайыак үлэҕэ киллэриллэн, нэһилиэккэ икки саҥа үлэ миэстэтэ арылынна, кэлэр сылга өссө үс киһи үлэлэниэ диэн тыа хаһаайыстыбатын министиэристибэтин пресс-киинэ иһитиннэрэр.
Раиса Сибирякова, «Саха сирэ» хаһыат, edersaas.ru