Салгын киртийиитэ нуорманы куоһарда
Бэрээдэк - Олох-дьаһах

Салгын киртийиитэ нуорманы куоһарда

Бу күннэргэ Дьокуускай куораты хойуу буруо бүрүйэр. Балаҕан ыйын 21 күнүгэр салгын киртийиитигэр көҥүллэнэр нуорманы таһынан барыы баарын Роспотребнадзор пресс-сулууспата иһитиннэрэр.

Холобур, салгыҥҥа көтө сылдьар РМ 2,5 фракцияҕа көҥүллэнэр нуорма 0,16 мг/м3 эбит буоллаҕына, сарсыарда 9 чааска 0,327 мг/м3 буолла. РМ 10 фракцияҕа көҥүллэнэр нуорма – 0,3 мг/м3 буоллаҕына, 0,451 мг/м3 тэҥнэстэ.

Дьокуускайга хойуу буруо Намҥа уонна Горнайга буола турар баһаардартан кэлбит. Хомойуох иһин, кэнники күннэргэ өрөспүүбүлүкэҕэ ойуур баһаарын ахсаана элбээн иһэр. Ону тэҥэ, Чурапчы, Амма, Таатта, Уус Алдан, Хаҥалас, Алдан, Уус-Маайа, Томпо улуустарын нэһилиэнньэлээх пууннарын эмиэ буруо бүрүйүөн сөп.

Исписэлиистэр куорат олохтоохторугар улахан наадата суох таһырдьа тахсыбаттарыгар, түннүгү, форточканы арыйбаттарыгар сүбэлииллэр.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

 

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

16 − одиннадцать =