Улуус балыыһаларыгар салгынынан хааччыйар генератордары бэлэхтээтилэр

Бөлөххө киир:

Өрөспүүбүлүкэ үрдүнэн коронавирус дьаҥын иккис долгуна кэллэ.

Балаһыанньа уустугунан, бу күннэргэ Ленскэй, Өлүөхүмэ уонна Мииринэй оройуоннарын киин балыыһаларыгар салгынынан хааччыйар генератордары тиксэрдилэр. «Бу генератор күүһэ мүнүүтэҕэ 50 лиитэрэ салгыны оҥорон таһаарар  кыахтаах. Салгыҥҥа наадыйааччы ыарыһахтарга барыларыгар да тиийэр көмөнү оҥорор тэрил«, — диэн Ленскэй оройуоннааҕы балыыһатын сүрүн бырааһа Людмила Бакова этэр.

Бэлиэтээн эттэххэ, СӨ Ил Дархана Айсен Николаев ыҥырыытынан  өрөспүүбүлүкэ улахан тэрилтэлэрэ коронавирус дьаҥын утары бииргэ үлэлэһэ  сылдьаллар. Онон, Үүнэр көлүөнэ тус сыаллаах пуондата ЯТЭК, «Селигдар», «Полимметалл УК», Тарыннааҕы көмүс хостуур хампаанньа, «Таас Үрэх» тэрилтэлэри кытта 90 мөлүйүөн солкуобай сууммалаах дуогабар баттаста.

Ульяна ЗАХАРОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0