Сүрүн Уопсастыба

Салбаҥнар саҥа биэссэр-акушер пууннаннылар

Нам улууһун олохтоохторо Салбаҥҥа биэссэр-акушер пууна аһыллыбытын истэн, сэргэхсийэн олороллор.

Бу «Доруобуйа харыстабыла» национальнай бырайыак чэрчитинэн тутулунна диэн СӨ Доруобуйа харыстабылын министиэристибэтин пресс-сулууспата иһитиннэрдэ.
Үөрүүлээх тэрээһиҥҥэ СӨ Доруобуйа харыстабылын миниистирин бастакы солбуйааччы Алексей Яковлев, Нам улууһун киин балыыһатын кылаабынай бырааһа Ариан Сергеев, улуус баһылыга Юрий Слепцов, нэһилиэк баһылыга Сахаян Аргунов, «СахаУниверсал»  ХЭУо генеральнай дириэктэрэ Тимофей Попов кытыннылар, эҕэрдэлэрин тиэртилэр.
Манна даҕатан сырдаттахха, Нам оройуонугар биэссэр-акушер пууннара Арбыҥҥа, Фрунзеҕа, Түбэҕэ, Бөтүҥҥэ, Граф Биэрэгэр, Искраҕа, Таастаахха, Салбаҥҥа, Никольскайга  уонна биэссэр пууннара Маймаҕаҕа уонна Кыһыл Дэриэбинэҕэ бааллар.  2020 сылтан Нам улууһугар «Земскэй биэссэр» бырагырааманан икки биэссэр үлэлиир.
0
0
Telegram @edersaas20

Добавить комментарий