Салайар хампаанньа 9 салайааччыта аттестаттара суоҕа билиннэ

Элбэх кыбартыыралаах дьиэлэри көрөр-истэр салайар хампаанньалар (УК) салайааччылара анал аттестаттаах буолуохтаахтар. Тустаах докумуон болдьоҕо — 5 сыл.

Бу күннэргэ СӨ Судаарыстыбаннай тутуу уонна олох-дьаһах надзорун управлениета кэккэ тустаах салайааччыларга бэрэбиэркэни ыытта уонна 9 салайааччы аттестата суоҕа билиннэ. «Анал докумуон болдьоҕо биэс сыл. Салайар хампаанньалар салайааччылара  аттестаттарын болдьоҕо бүтэрэ кэлбитин кэнниттэн тута  эксээмэн туттаран,  саҥаны ылыахтаах этилэр да,  болҕомтоҕо уурбатахтар. Итинник сыыһаны таһаарыа суохтаахтар», — диэн СӨ Судаарыстыбаннай тутуу уонна олох-дьаһах надзорун управлениетын салайааччы   Павел Аргунов иһитиннэрдэ. 

Бэрэбиэркэ түмүгүнэн, алта салайааччы административнай миэрэҕэ тардылынна. Үс салайааччы 50-нуу тыһ. солк. уонна тэрилтэлэрэ 125-тии тыһ. солк. ыстырааптаннылар.