Биһиги 1969 сыллаахха уруккута Дьааҥы улууһун Саккырыыр орто оскуолатын икки онус кылааһын үөрэнэн бүтэрбиппит быйыл 50 сылын туолла. Оччолорго биһиги “Оскуола-үлэ-үрдүк үөрэх” девиһинэн салайтаран, үгүспүт ыанньыксыт, табаһыт, оробуочай, остуорас, асчыт, атыыһыт чэпчэкитэ суох үлэлэрин толорбуппут. Ол инники олохпутугар улахан төһүү буолбута.
edersaas.ru, С.Горохова (Харысхаана)
Мин киэн туттабын Сахабыт сирин сайдыытыгар, уопсастыба олоҕор, араас эйгэҕэ дьоһун кылааттарын киллэрсибит бииргэ үөрэммит доҕотторбунан. Ол курдук, учуонай Винокурова М.Е., суруйааччы-историк соратнига, 10 тахса кинигэ кыттыгас ааптара А.Ф.Пестерева, тутуу бэтэрээнэ Аликова Л.И., педагогическай үлэ бэтэрээнэ Максимова Н.В., тыа хаһаайыстыбатын үтүөлээх үлэһитэ Юмшанова А.Д., табаһыт Колесова Е.Е., энергетика сайдыытыгар кылаатын киллэрбит Горохов И.П., Дьааҥыга сибээһи сайыннарбыт Винокуров Т.Г., үүнэр көлүөнэни иитиигэ олохторун анаабыт Аверенская А.В., Стручкова А.И., Старостина Е.П., Другина Р.В., Попова А.П., култуура үлэһиттэрэ Алексеева И.А., Винокурова Э.А., атыы-эргиэн үлэһиттэрэ Макарова А.Ф., Аммосова Е.А., Черноградская М.И., Сотрудникова В.С., суот-учуот үлэһитэ Эверстов В.Г., эколог Захаров А.В., Абыйга өр кэмнэргэ олорбут, үлэлээбит Колесов Д,И. уо.д.а. ааттарынан киэн туттабын.
Оччотооҕу 50-чэ оҕоттон билигин 20-чэ эрэ киһи баарбыт. Кылааспыт салайааччыларыгар Крылова Е.Н., Мушникова К.И. чэгиэн доруобуйаны баҕарабын.
Дьоро үбүлүөйбүтүгэр анаммыт “Умнуллубат онус кылаас” диэн кинигэ бу күннэргэ күн сирин көрүөҕэ.
С.Горохова (Харысхаана), Саха Өрөспүүбүлүкэтин култууратын туйгуна, Өрөспүүбүлүкэ УоП үһүс ыҥырыылаах састаабын чилиэнэ, үлэ бэтэрээнэ.