Экология миниистиринэн Сахамин Афанасьев анаммытын туһунан Ил Дархан ыйааҕа таҕыста

Бөлөххө киир:

Экология, айылҕа баайын туһаныы уонна ойуур хаһаайыстыбатын миниистиринэн Сахамин Афанасьев иккиһин ананна. Кини бу дуоһунаска 2014 с. үлэлиир.

Сахамин Миланович бу түөрт сыл иһигэр министиэристибэ бары хайысхатынан ситиһиилээхтик үлэлээтэ. Ол курдук, кини салалтатынан тулалыыр эйгэни харыстааһыҥҥа, уу сыһыаннаһыытыгар, бултааһыҥҥа, ойуур хаһаайыстыбатыгар, о.д.а. хайысхаларга тэрээһиннээх үлэлэр ыытыллыбыттара. Федеральнай структуралары кытары үлэлэһэн, ураты харыстанар сирдэр иэннэрин кэҥэттилэр.

Ил Дархан Айсен Николаев бэлиэтииринэн, Сахамин Миланович айылҕаны харыстааһыҥҥа хонтуруоллуур биэдэмистибэлэри, өрөспүүбүлүкэ уопсастыбаннаһын, наука эйгэтин үлэһиттэрин барыларын түмэ тарта. Ону сэргэ, сааскы халаан содулун туоратыыга, Иирэлээх, Аччыгый Ботуобуйа, Бүлүү өрүстэрин ыраастааһыҥҥа күүскэ үлэлэстэ. Кини үлэлиир кэмигэр “Өлүөнэ остуолбалара” федеральнай национальнай паарка статуһун ылбыта эмиэ элбэҕи этэр.

Ыспыраапка:
Афанасьев Сахамин Миланович
1973 с. сэтинньи 16 күнүгэр Үөһээ Бүлүүгэ төрөөбүтэ;
1993-1998 сс. – Иркутскайдааҕы техническэй судаарыстыбаннай университет устудьуона;
1998-2005 сс. – СӨ дьиэ-уот судаарыстыбаннай инспекциятын кылаабынай исписэлииһэ-инспектора;
2005-2009 сс. – Аллараа Халыма улууһун баһылыгын бастакы солбуйааччы;
2009-2010 сс. – “Комфорт” муниципальнай тэрилтэ дириэктэрэ;
2010-2011 сс. – СӨ бэрэсидьиэнин уонна бырабыыталыстыбатын дьаһалтатыгар олохтоох салайыныы департаменын салайааччыта;
2011-2014 сс. – “Биир ньыгыл Россия” баартыйа Саха сиринээҕи отделениетын салайааччыта;
2014-2018 сс. – Айылҕа харыстабылын миниистирэ.

Аграфена КУЗЬМИНА, edersaas.ru

+1
0
+1
0
+1
0
+1
0
+1
0
+1
0
+1
0