Маны аах Уопсастыба

«Sakha innovation 2021» быыстапка түмүгэ

Аҕыйах хонуктааҕыта Саҥаны айааччы уонна рационализатор күнүгэр анаммыт сэргэх быыстапка түмүктэннэ. Тэрээһин онлайн көмөтүнэн ыытылынна, араас маастар-кылаастар буоллулар.

 

Быйыл быыстапкаҕа 37 кыттааччы кытынна, онуоха стартаптартан саҕалаан бөдөҥ айти-хампаанньаларга тиийэ күрэхтэстилэр. Бу быыстапканы 15000 киһи көрдө. Элбэх куолаһы ылбыт бырайыак «Норуот талыыта» номинацияҕа кыайыылааҕынан буолла. Бу номинацияҕа кыайыылааҕынан Ньурба куорат айти-киинин резиденэ Марк Антонов таҕыста. Кини автоматическай санитайзеры оҥорбут. Бу санитайзер киһи этин температуратын билэр. Онон Дьокуускай куорат дьаһалтатын бирииһин — тэлэбиисэри тутта.
Онтон «Эдэр кыттааччылар ортолоругар норуот талыыта» номинацияҕа Марина Бердянова кыайда. Кини «Кванториум» паарка резиденэ. Тыаһы кулгаахха иһитиннэрэр бырайыагы оҥорбут.
«Бастыҥ айааччы» — Евгений Попов портативнай ыстаансыйа бырайыагын айбыт.
«Бастыҥ эдэр айааччы» — Ариана Готовцева. Кини бырайыага тыыннаах маһы харыстыырга туһуланар.
«Бастыҥ виртуальнай истиэндэ» — «Ранго» ХЭТ.
Маны сэргэ «Стартаптар киирсиилэрэ» буолла. Кыайыылаах Майтона бирииһин тутта. Онон «Скилллометр» бырайыак бастаата. Иккискэ — «Аэролодка Индигирка 500», үһүскэ — «Ксенос» бырайыак.
Онун олус сэргэх тэрээһин саҥаны айааччылары сэргэхситтэ.

Бэлэмнээтэ Женни Стрюкова.

0
0