Сайыҥҥы лааҕыртан “кэшбек”

Бөлөххө киир:

Оҕо сайыҥҥы сынньалаҥ лааҕырдарыгар сылдьыбытын кэннэ төлөбүрүн аҥаарын (ол эрээри 20 тыһыынча солкуобайтан элбэҕэ суох) төнүннэриэххэ сөп. Онно туох усулуобуйалааҕый?

Төрөппүккэ анал бырагыраамаҕа кыттар “Мир” каарта баар буолуохтаах. Бу каартаны https://privetmir.ru/ саайтка киирэн бигэргэтэҕит. Салгыы мирпутешествий.рф саайтка киирэн, лааҕырдар испииһэктэриттэн талаҕыт, онтон ыйар суругунан сирдэтэн, путевканы төлүүгүт.

“Кэшбек” биэс үлэ күнүн иһинэн төннөр. Биир оҕоҕо хаста да маннык “кэшбеги” туһаныахха сөп, холобур, оҕо сайын устата лааҕырга иккитэ сылдьар буоллаҕына. Саамай сүрүнэ, бырагыраама үлэтин болдьоҕор хапсыахха уонна путевкалары тус-туспа төлүөххэ наада.

Оттон путевка сууматын сорох чааһын судаарыстыба төлүүр буоллаҕына, бэйэҕит төлөөбүт суумаҕытыттан “кэшбеги” эмиэ төнүннэриэххэ сөп. Холобур, путевка сыаната – 40 тыһыынча солкуобай, мантан 25 тыһыынча солкуобайы судаарыстыба төлөөбүт (чэпчэтиинэн), оттон төрөппүт 15 тыһыынча солкуобайы төлөөбүт. Бу 15 тыһыынча солкуобайтан аҥаара, ол эбэтэр, 7500 солкуобай “кэшбек” быһыытынан төннөр. Онон төрөппүт уопсайа 7500 солкуобайы эрэ төлүүр.

Бу “кэшбек” бырагырааматын туһунан сиһилии “Ростуризм”, мирпутешествий.рф, объясняем.РФ саайтарга киирэн билсиэххэ сөп.

Ангелина Васильева, «Саха сирэ» хаһыат, edersaas.ru

Хаартыска: tourvopros.ru

+1
0
+1
0
+1
0
+1
0
+1
0
+1
0
+1
0