Быйылгы Туймаада ыһыаҕар «Дыгын оонньууларын» муҥутуур кыайыылааҕа Алексей Уваровскай бииргэ төрөөбүт эдьиийэ, Кэбээйи Мастааҕыттан кэлбит Сайаана Парфенова үстэ ыстаныыга иккис миэстэҕэ тиксэн, от ыйын 6 күнүгэр хамаандатыгар бастакы үрүҥ көмүс мэтээли аҕалла.
Кыыс бэйэтин ситиһиитин туһунан бу курдук кэпсиир:
— Бүтэһик холонуум табылынна, 11 миэтэрэ 41 см ыстаммытым. Дьиҥэр, бу муҥутуур көрдөрүүм буолбатах, 2019 сыллаахха маннааҕар ыраах ыстаммытым. Ол эрээри, быйылгы турукпун уонна күөн көрсүһээччилэрим кыахтарын ааҕан көрөн, үһүс миэстэни ылар туһугар киирсибитим. Онон үөрүүм улахан, ситиһиибинэн киэн туттабын.
+1
+1
+1
+1
+1
+1
+1